+7 °С
Болотло
Мәҡәлә
Ут эсендә ҡалғандар! Яҙыусыларҙың әҫәрҙәре рус телендә донъя күрҙеБаш ауыртыуынанӘ былары Ғафури районының "шәп" егеттәре!!!Төшкө сәйгә туҡталыу бәлә менән тамамланған!Шок!Сәскә кеүек кенәХәйерле иртәләр!Көн торошоДомофон асҡысыАңын юғалтҡан ҡатын Ҡотҡарығыҙ!!! Ҡот осҡос янғынАяҡтар өсөн яҡшы күнегеү Йыйырсыҡтарҙы кәметәҮләнгә ут төртмәгеҙ! Ҡот осҡос үлем... Талпан ҡаҙалһа, ҡайҙа мөрәжәғәт итергә?Апрелдә сәсеү өсөн уңайлы көндәрФиналға кемдәр үтер?
Бөтә яңылыҡтар
10
Еңеүгә - 80 йыл
31 Март , 12:00
Батырҙарыбыҙ. А-нан Я-ға тиклем
112-се Башҡорт кавалерия дивизияһы 1941 йылдың декабрендә И. Сталиндың бойороғо буйынса ойошторола. Уның командиры итеп тәжрибәле офицер, полковник Миңлеғәле Шайморатов тәғәйенләнә. Данлы ла шанлы ла хәрби юл үтә дивизия. Дивизияның 3860 һалдаты һәм офицеры орден-миҙалдар менән бүләкләнә, 78 яугирға Советтар Союзы Геройы исеме бирелә һәм биш хәрби дан орденының тулы кавалеры була. Һеҙҙең иғтибарға – батырҙарыбыҙ. Уларҙың исем-фамилияһын А-нан Я-ға тиклем теҙеп, иҫкә алабыҙ.
Батырҙарыбыҙ. А-нан Я-ға тиклем
Советтар Союзы Геройҙары
Д
Данильянц Еремей (1901 - 1943)
Бөйөк Ватан һуғышы яугиры. Таулы Ҡарабахта тыуған. 112-се Башҡорт кавалерия (16-сы Чернигов гвардия) дивизияһы, 60-сы гвардия кавалерия полкының 4-се эскадроны пулемет расчеты командиры. Гвардия өлкән сержанты.
Советтар Союзы Геройы исеме, һәләк булғандан һуң, 1944 йылда бирелә.
Дауытов Искәндәр (1923 - 1943)
Бөйөк Ватан һуғышы яугиры. Омск өлкәһендә тыуған. 112-се Башҡорт кавалерия (16-сы Чернигов гвардия) дивизияһы, 58-се гвардия кавалерия полкының 4-се эскадроны пулеметсыһы. Гвардия рядовойы.
Советтар Союзы Геройы исеме, һәләк булғандан һуң, 1944 йылда бирелә.
Дачиев Хансолтан (1922 - 2001)
Бөйөк Ватан һуғышы яугиры. Чечняла тыуған. 112-се Башҡорт кавалерия (16-сы Чернигов гвардия) дивизияһының 58-се гвардия кавалерияһы разведка полкы взводы командиры. Гвардия кесе лейтенанты.
Советтар Союзы Геройы исеме 1944 йылда бирелә.
Һуғыштан һуң Ҡырғыҙ ССР-ында, Чечняла йәшәй, эшләй.
Двадненко Иван (1903 - 1943)
Бөйөк Ватан һуғышы яугиры. Ставрополь крайында тыуған. 112-се Башҡорт кавалерия (16-сы Чернигов гвардия) дивизияһының60-сы гвардия кавалерия полкының артиллерия батареяһы командиры. Гвардия кесе лейтенанты.
Советтар Союзы Геройы исеме, һәләк булғандан һуң, 1944 йылда бирелә.
Довлетжанов (Давлетжанов) Бердымурад (1921 - 1998)
Бөйөк Ватан һуғышы яугиры. Төркмәнстанда тыуған. 112-се Башҡорт кавалерия (16-сы Чернигов гвардия) дивизияһының 62-се гвардия кавалерия полкы ҡылыссыһы. Гвардия кесе сержанты.
Советтар Союзы Геройы исеме 1944 йылда бирелә.
Һуғыштан һуң тыуған яғында йәшәй, эшләй.
Дәүләтов Ғәбдерәүеф (Әбдрәүеф) (1916 - 1943)
Бөйөк Ватан һуғышы яугиры. Әбйәлил районында (элекке Ырымбур губернаһы) тыуған. 112-се Башҡорт кавалерия (16-сы Чернигов гвардия) дивизияһы 58-се гвардия кавалерия полкы пулемет взводы командиры. Гвардия лейтенанты.
Советтар Союзы Геройы исеме, һәләк булғандан һуң, 1944 йылда бирелә.
Дәүләтов Бәкер (1915 - 1982)
Бөйөк Ватан һуғышы яугиры. Благовар районында (элекке Өфө губернаһы) тыуған. 112-се Башҡорт кавалерия (16-сы гвардия Чернигов) дивизияһының 60-сы гвардия кавалерия полкы 4-се эскадроны беренсе пулеметсыһы. Гвардия өлкән сержанты.
Советтар Союзы Геройы исеме 1944 йылда бирелә.
Һуғыштан һуң Тажик ССР-ында йәшәй, эшләй.
(Дауамы. Башы 18, 21, 24, 28 мартта. Батырҙарыбыҙ. А-нан Я-ға тиклем, А, Батырҙарыбыҙ. А-нан Я-ға тиклем, Б, Батырҙарыбыҙ. А-нан Я-ға тиклем В, Батырҙарыбыҙ. А-нан Я-ға тиклем Г, Ғ)
Фото: 112 кд - Шаймуратовцы, rmbs-ufa.ru.
Батырҙарыбыҙ. А-нан Я-ға тиклем
Читайте нас:
