Батырҙарыбыҙ. А-нан Я-ға тиклем

Советтар Союзы Геройҙары

Б

Байрамов Мүлке (1909 – 1965)

Бөйөк Ватан һуғышы яугиры. Төркмән ССР-ында тыуған. 16-сы кавалерия дивизияһының 60-сы гвардия кавалерия полкы 2-се эскадроны командиры.

Советтар Союзы Геройы исеме 1944 йылда бирелә.

Һуғыштан һуң Мары ҡалаһында йәшәй, хужалыҡта эшләй.

Безуглов Григорий (1907 – 1987)

Бөйөк Ватан һуғышы яугиры. Харьков губернаһында тыуған. 112-се башҡорт кавалерия дивизияһы (16-сы гвардия) 60-сы гвардия кавалерия полкы штабы начальнигы. Гвардия майоры.

Советтар Союзы Геройы исеме 1944 йылда бирелә.

Һуғыштан һуң тыуған яғында, Куйбышев (хәҙер – Һамар) ҡалаһында эшләй.

Белов Григорий (1901 – 1994)

Бөйөк Ватан һуғышы яугиры. Ульяновск өлкәһендә тыуған. 1943 йылдың 23 февралендә Миңлеғәле Шайморатов һәләк булғандан һуң, 112-се башҡорт кавалерия дивизияһы (16-сы гвардия) командиры була, уны һуғыш бөткәнсе етәкләй.

Советтар Союзы Геройы исеме 1944 йылда бирелә.

Һуғыштан һуң СССР Ҡораллы көстәрендә хеҙмәт итеүен дауам итә. Отставкаға сыҡҡас, Мәскәүҙә йәшәй.

Биктимеров Сәлмән (1913 – 1971)

Бөйөк Ватан һуғышы яугиры. Көйөргәҙе районында (элек – Ырымбур губернаһы) тыуған. 112-се Башҡорт кавалерия дивизияһының 60-сы гвардия кавалерия полкы ҡылыссылар эскадроны бүлексәһе командиры. Өлкән сержант.

Советтар Союзы Геройы исеме 1944 йылда бирелә.

Һуғыштан һуң тыуған яғында йәшәй, колхозда эшләй.

Бояркин Василий (1914 – 1943)

Бөйөк Ватан һуғышы яугиры. Ырымбур өлкәһендә тыуған. 112-се Башҡорт кавалерия (16-сы гвардия) дивизияһының 60-сы гвардия кавалерия полкы 4-се эскадронының пулемет расчеты командиры. Өлкән сержант.

Советтар Союзы Геройы исеме батырҙарса һәләк булғандан һуң, 1944 йылда бирелә.

Булатов Хоҙат (1906 – 1982)

Бөйөк Ватан һуғышы яугиры. Өфө губернаһының Бәләбәй өйәҙендә (хәҙерге Әлшәй районы) тыуған. 16-сы гвардия дивизияһы 58-се гвардия кавалерия полкының танкка ҡарашы орудие командиры. Гвардия сержанты.

Советтар Союзы Геройы исеме 1944 йылда бирелә.

Һуғыштан һуң тыуған яғында балыҡсылыҡ бригадаһын етәкләй, колхозда эшләй.

Буторин Виктор (1898 – 1974)

Бөйөк Ватан һуғышы яугиры. Семипалатинск ҡалаһында тыуған. 112-се Башҡорт кавалерия (16-се гвардия Чернигов) дивизияһының взвод командиры. Гвардия лейтенанты.

Советтар Союзы Геройы исеме 1944 йылда бирелә.

Һуғыштан һуң Киевта йәшәй.

(Дауамы. Башы 18 мартта: Батырҙарыбыҙ. А-нан Я-ға тиклем)

Фото: 112 кд - Шаймуратовцы, rmbs-ufa.ru