Ғәзим матай менән Һиндостанға юлланған

Был тәүәкәл егет хаҡында гәзитебеҙ биттәрендә яҙғайныҡ. 

Баймаҡ районының Әбделкәрим ауылы егете Ғәзим Мөхәмәдйәнов Мәскәү политехник университетында эшләй. Уҡытыусы-инженер. Бала саҡтан мотоциклдар менән ҡыҙыҡһына. Быйыл йәй күптәнге хыялын тормошҡа ашырырға тотонған ул. Мәскәүҙән матай менән донъя күрергә сәйәхәткә сыҡҡан.

Август-сентябрь айҙарында Ғәзим Төркиә, Грузия, Әрмәнстан илдәрен үткән. Хәҙер иһә сәйәхәттең икенсе өлөшөндә Иран, Пакистан, Һиндостан илдәренә юл тота. 10-12 мең саҡрымлыҡ юл үтеп, 26 ғинуарҙа Дели ҡалаһына барып етергә ниәтләй яҡташыбыҙ.

Ғәзимгә уңыштар, хәйерле юлдар теләйек!

Баймаҡ егете матай менән 40 мең саҡрымлыҡ сәйәхәткә сыҡҡан (ye102.ru)