Был кеше аптырап китә. Ергә йөҙтүбән ятҡан килеш: «Хаҡтыр ки, Һин мине ҡотҡарҙың, ғүмеремде һаҡлап алып ҡалдың. Эй, ҡотҡарыусым! Һине ҡәһәрләп, күпме ауыр һүҙҙәр әйттем. Ғәфү ит мине! Ҡамсы менән туҡмағанда ниңә минең ауыр хәлдә булыуымды киҫәтмәнең», – ти.
Шунда ғалим кеше йылмайып ебәрә. «Әгәр ҙә йылан йотҡаныңды белһәң, шунда уҡ ҡурҡып үлер инең. Инде йүгерергә лә, серек алмалар ашарға ла хәлең ҡалмаҫ ине. Мин һинең әйткән һүҙҙәреңә түҙҙем, был меҫкенгә ярҙам ит, тип Аллаһы Тәғәләгә доға ҡылдым», – ти.
Яңы ғына ҡотолғоһоҙ үлемдән ҡалған кеше: «Мине ҡотҡарғаның өсөн нисек кенә ризалатайым икән? Хоҙай үҙеңә мәрхәмәт күрһәтһен. Был хәлдән һуң шуны аңланым: хатта ағыу ҙа ғалим кешенең ҡулында булһа, тәнгә файҙа килтерә ала икән»,– тип рәхмәт әйткән.