Мунса үҙе дауа

Мунсала сабынған – ҡартаймаған, тигән әйтем бар халыҡта.  Ысынлап та, сабыныу кешене сәләмәтләндерә, көс бирә,  кәйефте күтәрә.  Миндек менән сабыныу  тиренең, мускулдарҙың, күҙәнәктәрҙең ҡан әйләнешен көсәйтеүсе үҙенә күрә бер массаж булып тора. Миндектәге эфир майҙары  организмға үтеп инеп, матдәләр алмашыныуын яҡшырта. Бынан тыш, һәр миндектең үҙенең айырым йоғонтоһо бар.

Ҡайын миндеге 

Быуындар, мускулдар ауыр­­ты­уынан ярҙам итә, тирене һытҡыларҙан, са­бырт­ма­лар­ҙан, эрендәрҙән та­ҙарта, йә­рәхәтләнгән, һы­ҙырылған урындарҙың ти­ҙерәк бөтә­шеүенә булышлыҡ итә. Иң мөһиме – ҡайын быуынан кескәй ҡурылдайҙар ныҡ киңәйә, бына ни өсөн бындай мунсанан һуң тын алыуы еңелләшә. 
Тын алыу гимнастикаһы менән шөғөлләнә башлаған астматиктар һәм элекке тә­мәкеселәр өсөн тап ошо  миндек менән сабыныу  ярҙам итә.
Имән миндеге
 
Майлы тиреле кешеләр өсөн файҙалы. Ул тирене тығыҙ­ландыра, ялтырауын бөтөрә һәм ялҡынһыныуға ҡаршы йоғонто яһай. Имән еҫе са­бынған ваҡытта ҡан баҫы­мының үтә ныҡ күтәрелеүен тотҡарлай.

Йүкә миндеге

Баш ауыртыуынан арынырға ярҙам итә,   бөйөрҙәргә еңелсә гимнас­тика яһай, тынысландыра, ҡурылдайҙарҙың ки­ңәйеүенә булышлыҡ итә, тән температураһын төшөрә.   Һал­­ҡын тейеп ауырығанда айырыуса файҙалы.  

Сажиҙә ЛОТФУЛЛИНА.