Әллә нисек

Әллә нисек булды беҙҙең һөйөү,
Етәкләшеп, бер ҙә үтмәнек.
Алһыу ғына таңдар атҡан саҡта,
"Яратам" тигән һүҙҙәр әйтмәнек.

Әллә нисек булды беҙҙең һөйөү,
Йондоҙ атылғандай юғалды.
Татлы минуттарҙы ғазап итеп,
Мәңгелеккә ҡарай юл алды.

Әллә нисек булды беҙҙең һөйөү,
Саҡрымдарҙа ҡалды юйылып.
Һағыш тулы ҡараштарың ғына
Йөрәгемдә ҡалды уйылып.

#ХәмитКарамалинский

#ЮлайКәримовфотоһы

"Беҙҙең МАХ каналға ин!
https://max.ru/yeshlek_gazite"