Һырғанаҡ үҫендеһен яҙ ултыртыу хәйерле

Коллектив баҡсалағы участкаларҙа дүрт инә үҫемлектең уртаһына бер ат ултыртыу етә.

Яҙ ултыртыр алдынан өҫтәге, уңдырышлы тупраҡ өйөмөнә өс өлөш серетмә, 1 – 1,5 биҙрә ҡом, 0,5 – 08 кг суперфосфат, 10 – 15 г хлорлы калий, 0,6 – 09 кг эзбиз ҡушып, ентекләп бутала. Байыҡтырылған тупраҡ соҡорға кире тултырыла, ултыртҡас, һыу һибелә.

Һәүәҫкәр баҡсасылар йыш ҡына һырғанаҡтың атаһынан инәһен нисек айырырға тигән һорау менән мөрәжәғәт итә. Эйе, үҫенденең атамы, инәме икәнен тиҙ генә айырыуы ҡыйын, улар бер-береһенә ныҡ оҡшаған. Ултыртҡандан һуң, 3 -4 йыл үткәс, иртә яҙ бөрөләр бүрткәндә генә, тәжрибәле баҡсасы атамы, инәме икәнен айырып әйтә ала. Инә үҫенденең бөрөләре ике рәт тәңкәләр менән ҡапланған була. Ул инә үҫендеһе бөрөһөнә ҡарағанда эре һәм күп тәңкәләр менән ҡапланған. Ата һәм инә үҫенделәр айырым питомниктарҙа үҫтерелә һәм айырым һатыла.

Фото: Т. АМАНОВ.