Дрон операторы булыр өсөн Башҡортостанға килгән

Роман Михеев (исеме үҙгәртеп алынды) 40 йәштән үткән. Үҙ йәшенә ҡарамаҫтан,   “Защитник” һайлап алыу пунктында әңгәмә үтеп, дрондар менән эшләгән ғәскәргә алынған.

Ул Зеленогорск ҡалаһында тыуған, армияла булған һәм электромонтёр булып эшләгән. Башҡортостанға ул тап ошо яҡтан махсус операцияға китеү өсөн килгән. Интернетта ул дрон ғәскәрендә хеҙмәт итеүҙең яҡшы яҡтары тураһында уҡыған.

Роман әйткәнсә, уның таныштары араһында был операцияла ҡатнашҡан кешеләр юҡ. Әммә фронтта төрлө белгестәр кәрәк икәнен ишеткәс, ул үҙен шунда файҙалы була алам тип уйлаған. Шунан һуң ул контракт төҙөргә ҡарар иткән.

Һайлап алғанда уға дрон операторы булырға тәҡдим иткәндәр. Ул быны үҙенең иғтибарлы булыуы һәм яҡшы күреүе менән аңлата. Контрактты бер йылға төҙөргә була, теләһәң –  оҙайта алаһың, теләһәң – туҡтата алаһың.

Роман дрон операторҙары өсөн шарттар хәүефһеҙерәк, ә эш хаҡы яҡшыраҡ, ти. Ул ошо йүнәлештә белемен арттырып, үҙенең оҫталығын файҙаланасағына ышана. Башҡортостанда булғанда ул Салауат Юлаев һәйкәлен күрергә бик теләгән, ләкин ул ремонтта ябылған. Шулай ҙа ул Миңлеғәле Шайморатов һәйкәлен күреп, уны көс һәм еңеү символы тип баһалаған.

Фото: Т. АМАНОВ.