600-ҙән ашыу майҙансыҡ: «Башҡорт теленән диктант – 2026»

Акция 2026 йылдың 17 апрелендә онлайн һәм офлайн форматтарҙа уҙғарыла. Унда йәшенә, белем кимәленә һәм йәшәгән урынына ҡарамай теләгән һәр кем ҡатнаша ала.

Майҙансыҡтарҙың төп өлөшө Рәсәйҙә урынлашҡан — 613 майҙансыҡ, шул уҡ ваҡытта акция халыҡ-ара кимәлгә сыға: диктантты офлайн форматта Румыния һәм Үзбәкстан ҡатнашыусылары ла яҙа аласаҡ.

Төбәктәр араһында лидер — Башҡортостан Республикаһы (558 майҙансыҡ). Шулай уҡ әүҙем ҡатнашыусылар:

• Силәбе өлкәһе — 21 майҙансыҡ
• Ырымбур өлкәһе — 7 майҙансыҡ
• Ҡурған өлкәһе — 2 майҙансыҡ
• Свердловск өлкәһе — 2 майҙансыҡ
• һәм башҡа Рәсәй төбәктәре

Иҫегеҙгә төшөрәбеҙ, диктант өс кимәлдә үткәрелә:

• башланғыс кимәл — 418 майҙансыҡ
• иркен кимәл — 163 майҙансыҡ
• төньяҡ-көнбайыш диалект — 34 майҙансыҡ

Башҡортостандың баш ҡалаһы Өфөлә диктант традиция буйынса ҡаланың иң ҙур белем биреү һәм мәҙәни майҙансыҡтарында уҙғарыла, шул иҫәптән:

• Башҡорт дәүләт педагогия университеты
• Башҡорт дәүләт университеты
• «Тура-хан» тарихи-мәҙәни комплексы
• Башҡортостан Республикаһының Мәғарифты үҫтереү институты

Офлайн форматта ҡатнашыу өсөн үҙегеҙгә уңайлы майҙансыҡты һайлап, акцияның рәсми сайтында теркәлергә кәрәк. Майҙансыҡтарҙың тулы исемлеге һәм актуаль мәғлүмәт түбәндәге сайтта урынлаштырылған: https://bashdictant.ru/