Тылсым донъяһына сәйәхәт

БР Милли музейы матбуғат сәркәтибе Әлиә Хызырова барыһын да ошо экспонаттарҙы ҡарарға саҡырҙы: - Башҡортостан Республикаһының Милли музейы Президент мәҙәни башланғыстар фонды ярҙамында «Синемаскоп» кинокомпанияһы ойошторған уникаль күргәҙмә проектын тәҡдим итә. Был экспозиция ҡурсаҡ анимацияһының мауыҡтырғыс донъяһына арналған һәм яратҡан йәнһүрәттәрҙе төшөрөү тылсымын аса. Музей залдарында ҡунаҡтар «Союзмультфильм» киностудияһының алтын фондынан легендар экспонаттарҙы ҡараясаҡ. Атап әйткәндә, килеүселәргә бөтә яратҡан классиканан ҡурсаҡтар һәм макеттарҙың күсермәләре тәҡдим ителә: был «Чебурашка», «Варежка» һәм «Гофманиада». Бынан тыш, экспозицияға "Булгаковъ" һәм "Трамвай 13" заманса анимация проекттарының төп нөсхәләре индерелгән. Барығыҙҙы ла анимация тарихына сәйәхәткә саҡырабыҙ! Күргәҙмә 13 марттан 5 апрелгә тиклем эшләйәсәк.

Фото авторҙан һәм асыҡ сығанаҡтан.