«Яҡындарымдың доғалары ярҙам итә», – ти БПЛА операторы.

Яугирҙың уңышлы үтәлгән заданиелары ла байтаҡ. Шулай ҙа ул батырлығы  тураһында һөйләргә теләмәй.  БПЛА  операторы күберәк тыуған яҡ, йорт, ғаилә, тыуған ил тураһында күберәк уйлай.

Хеҙмәт иткән осоронда ул бер нисә тапҡыр яралана. Дауаланғандан һуң  һәр ваҡыт хәрби бурысын үтәргә кире ҡайта. Уның әйтеүенсә, махсус операцияның тәүге ваҡытында Рәсәй армияһы традицион һуғыш төрҙәренә — артиллерияға, бронетехникаға, авиацияға өҫтөнлөк ҡуя. Уларҙың роле әле лә мөһим, был РФ Оборона министрлығының көндәлек мәғлүмәттәренән күренә. Әммә шулай уҡ БПЛА операторҙарының эше беренсе планға сығыуы ла асыҡ. Был турала илдең оборона ведомствоһы отчеттары ла һөйләй.

– Рәсәй хәрбиҙәре пилотһыҙ осоу аппараттары эшен уңышлы үҙләштерә. Башта үҙ аллы уҡый, һуңынан тәжрибәле инструкторҙар етәкселегендә полигондарҙа әҙерлек үтә. Әммә тәжрибә алғы һыҙыҡта туплана. Хәҙерге дроноводтар әҙерлеклерәк. Улар йәшерәк тә, реакцияһы ла тиҙерәк. Мин бер нисек тә бер нисә йыл элек бәләкәй күк йөҙөн яулаған яугирҙарҙың кимәлен төшөрмәйем. Әммә пилотһыҙ системалар ғәскәрҙәрен булдырыу — яңы алға китеш, тип танырға кәрәк. Беҙҙең рәттәрҙе гаджеттар, компьютерҙар һәм башҡа шундай ҡорамалдар менән бай тәжрибәгә эйә булған йәш белгестәр тулыландыра. Тәжрибә һәм йәшлек бер-береһен тулыландыра. Һөҙөмтәлә — үҙ  маҡсаттарына өлгәшеү өсөн яйға һалынған эш, – ти «Әхмәт» ҡушаматлы яугир.

Туғандары һәм яҡындары тураһында уйҙар көс өҫтәй, уларҙың доғалары бик ярҙам итә. Әйткәндәй, ғинуарҙа яугир ҡыҫҡа ваҡытлы отпускыла булған. Йөрөгән ҡыҙы Оля эргәһенә Мәскәүгә килеп, Ҡыҙыл майҙанда тәҡдим яһаған. Киләһе отпускыла яҙылышырға теләйҙәр.

Фото: Т. АМАНОВ.