Радий Хәбиров һәләк булған Рәсәй Геройының улы менән һөйләшеү алып бара

Республика етәксеһе Башҡортостан хөкүмәтенең оператив кәңәшмәһендә МХО-ла һәләк булған яугирҙәрҙең балалары ла илдең башҡа юғары уҡыу йорттарында белем алыуы хаҡында иҫкә төшөрҙө. Атап әйткәндә, Радий Хәбиров республикабыҙҙан Рәсәй Геройы Илдар Суфияровтың улына баҫым яһаны.

«Ул Екатеринбургта Урал федераль университетында уҡый. Мин дә, әсәһе лә уны үҙебеҙгә ҡайтарыу тураһында һөйләшеүҙәр алып барабыҙ. Уҡып бөткәс тә ҡайтығыҙ!» — тине Радий Хәбиров.

Хәтерегеҙгә төшөрәбеҙ, өлкән лейтенант, «Башҡортостан» мотоуҡсылар полкының Даян Мурзин исемендәге батальон взводы командиры Илдар Суфияров 2024 йылдың апрелендә МХО биләмәһендә һәләк булды. Офицер һан яғынан күберәк булған украин боевиктарына ҡаршы яңғыҙы һуғыша. Хәрби хәлдең ҡатмарлы булыуына ҡарамаҫтан, Суфияров күҙәтеү пунктындағы позицияһын ташлап китмәй, дошман яҡынлаша башлағас, үҙен һәм ВСУ-ның өс һалдатын граната менән шартлата. Ошо ҡаһарманлығы өсөн уға үлгәндән һуң Рәсәй Геройы исеме бирелде.