0 °С
Болотло
Бөтә яңылыҡтар
Яңылыҡтар таҫмаһы
29 Ғинуар , 09:30
Гөлнас Фәиз ҡыҙы иң яҡшы бишәү иҫәбенә инде!
«Туған телдә белем биреүсе йыл педагогы – 2025» республика конкурсы лауреаты, Стәрлетамаҡ ҡалаһының 1-се гимназияһындағы «Умка» балалар баҡсаһы тәрбиәсеһе Гөлнас Фәиз ҡыҙы Ҡотлоева Мәскәүҙә үткән туған тел уҡытыусыларының Бөтә Рәсәй оҫталыҡ дәресендә иң көслө ҡатнашыусыларҙың береһе булды.
Гөлнас Фәиз ҡыҙы иң яҡшы бишәү иҫәбенә инде!
Рәсәйҙең төрлө төбәктәренән 30 педагог ҡатнашҡан бәйгелә Гөлнас Фәйез ҡыҙы мәктәпкәсә йәштәге балалар өсөн башҡорт телен өйрәнеү буйынса оҫталыҡ дәресен бик уңышлы үткәрҙе, шулай уҡ башҡорт милли кейемен күрһәтте.
Конкурстың бөтә этап йомғаҡтары буйынса Стәрлетамаҡ тәрбиәсеһе иң яҡшы бишәү иҫәбенә инде. Ул башҡорт телен уҡытыуға индергән өлөшө өсөн Рәсәй фәндәр академияһының тел ғилеме институтынан еңеүсе дипломы һәм Рәхмәт хаты менән бүләкләнде.
Гөлнас Фәиз ҡыҙын ихлас күңелдән ҡотлайбыҙ!
Фото: Т. АМАНОВ.
Гөлнас Фәиз ҡыҙы иң яҡшы бишәү иҫәбенә инде!
Новости партнеров