Өфөнөң Затон биҫтәһендә 1225 урынлыҡ яңы мәктәп асылды

Тәүге тапҡыр партаға 580 уҡыусы ултырҙы, тип хәбәр итте Хөкүмәттең оператив кәңәшмәһендә вице-премьер Рөстәм Ғәзизов. Тиҙҙән мәктәп тулыһынса тултырыласаҡ, 46-сы лицейҙа капиталь ремонт үткәрелеү сәбәпле, уның бөтә уҡыусылары ла яңы мәктәптә уҡыясаҡ, тип билдәләне ул.

Белем биреү учреждениеһы үҙенең киңлеге менән һоҡландыра. Заманса 4 ҡатлы бина өс корпустан, 59 йыһазландырылған уҡыу кабинетынан, спорт һәм тамаша залдарынан, 495 урынлыҡ аҙыҡ-түлек блогынан, уҡыу залы менән китапхананан, музейҙан, конференц-залдан, медицина блогынан тора. Уҡыу кабинеттарында заманса йыһаздар ҡуйылған. Химия һәм физика кластарына айырыуса иғтибар бүленә, улар махсус лаборатория өҫтәлдәре менән йыһазландырылған.

Хәтерегеҙгә төшөрәбеҙ, 163-сө белем биреү үҙәген 2022 йылда төҙөй башлағайнылар. Ул  – күптән көтөп алынған мәктәп, бында  халыҡ һаны арта бара.

Фото: Т. АМАНОВ.