+11 °С
Облачно
Яңылыҡтар таҫмаһы
7 Января , 14:00
Ярһыу ат
Ауылымда һаман хәтерләйҙәрМин яратҡан саптарҙы.Урамды бер итеп, атта һыбайСабып үткән саҡтарҙы.
Ярһыу ат
Апай менән ҡушлап, эй сабабыҙ,
Ярыш ҡомары – беҙҙә!
Һөрән һалып ҡала бала-саға,
Күҙ ҡыҙырлыҡ шул беҙгә!
Атта сая сабыу, теҙген тотоу
Килә минең ҡулымдан!
Ярһыу атта елеү—ҡыпсаҡлыҡтан,
Килә быуын-быуындан.
Ат ярһыуы күскән күңелемә,
Шул ярһыулыҡ – ҡанымда.
Ярһыу ана шул ат ғүмер буйы
Сабып бара янымда!
Земфира Аҡбутина.
Фото: асыҡ сығанаҡтан.
Новости партнеров
