Проектта 64 меңгә яҡын кеше ҡатнашҡан

Проектты тормошҡа ашырыуға республика бюджетынан 47 миллион һумдан ашыу аҡса бүленгән.

– "Башҡорт оҙон ғүмерлелеге. Туризм" проекты 2020 йылдан тормошҡа ашырыла. Ошо ваҡытта унда 64 меңгә яҡын кеше ҡатнашҡан. Проект унда ҡатнашыусыларҙың әүҙем социаль тормошо өсөн шарттар булдыра: берлектәге турҙар дуҫтарса бәйләнеш һәм оло йәштәгеләр өсөн аралашыу булдыра , - тип аңлатма бирҙе Башҡортостан Республикаһының эшҡыуарлыҡ һәм туризм министры Светлана Верещагина.

"Башҡорт оҙон ғүмерлелеге. Туризм" проектының операторы - «Башҡортостан Республикаһының туризмды үҫтереү үҙәге» автономиялы коммерцияға ҡарамаған ойошмаһы. Быйыл төбәктең 18 туроператоры уны тормошҡа ашырыуҙа ҡатнашты. Өлкән быуын кешеләре өсөн төрлө мәҙәни-танып белеү, әүҙем, һауыҡтырыу, ҡатнаш туристик маршруттары әҙерләнгән.