Туймазыла яңы форматлы кадрҙар үҙәге асылды

340 квадрат метр майҙанлы учреждение Чехов һәм Луначарский урамдары киҫешкән урында урынлашҡан. Эстә яҡты һәм уңайлы залдар булдырылған. Инеү урынында интернетҡа тоташҡан компьютерлы мәғлүмәт зонаһы урынлашҡан. Унда дәғүәселәр вакансиялар базаһын үҙаллы өйрәнә, резюме төҙөй йәки дәүләт хеҙмәттәренән электрон төрҙә файҙалана ала.

Учреждениела «РаботаЮ» йәштәр клубы эшләй. Унда студенттар һәм уҡыусылар өсөн һөнәри йүнәлеш биреү саралары үткәреләсәк.

"Беҙ граждандарҙың төрлө категориялары өсөн адреслы саралар үткәрәбеҙ: пенсия алды, йәш белгестәр, һаулыҡ мөмкинлектәре сикләнгән кешеләр, мәктәпкәсә йәштәге балалар менән ҡатын-ҡыҙҙар. МХО ветерандары һәм уларҙың ғаилә ағзаларына айырыуса иғтибар бүләбеҙ. Туймазыла яңыртылған мәшғүллек үҙәге-ул хеҙмәт биржаһы ғына түгел, ә һәр кеше үҙенең профессиональ карьераһында ярҙам таба һәм яңы офоҡтар аса алған заманса киңлек", - тине Илгиз Сәғитов, кадрҙар үҙәге етәксеһе.