+24 °С
Ямғыр
Яңылыҡтар таҫмаһы
13 Август 2025, 04:45
«СМС-тағы кодты бер кемгә лә әйтмәгеҙ!» – тип иҫкәртә мутлашыусылар
Енәйәтселәр тағы ла яңы схема ҡуллана башлаған: тәүҙә улар ҡорбанын, һеҙҙе ватырға маташалар, тип ышандыра. Һуңынан линияла көтөргә ҡушып, телефон тауышын һүндермәйенсә, Федераль именлек хеҙмәтен йәлеп итеү кәрәклеге тураһында фекер алыша. Аҙаҡтан шылтыратыу өҙөлә.
«СМС-тағы кодты бер кемгә лә әйтмәгеҙ!» – тип иҫкәртә мутлашыусылар
Артабан ҡорбанға уның дәүләт платформаһындағы йәки банктағы аккаунтына таныш булмаған ҡоролманан инергә маташыуҙары тураһында белдереү килә. Хәбәрҙә паролде фишинг һылтанмаһы буйынса үҙгәртергә тәҡдим итәләр. Ошо һылтанма аша үтеп, үҙеңдең мәғлүмәттәреңде индерһәң, мәғлүмәт шунда уҡ мутлашыусылар ҡулына эләгә.
Яҙмала элемтәгә инеү өсөн мутлашыусыларҙың телефоны булыуы ла ихтимал. Уларға шылтыратһаң, икенсе иҫәпкә аҡса күсереүҙе талап итәсәктәр.
Енәйәтселәр йыш ҡына үҙҙәрен төрлө ведомство хеҙмәткәрҙәре тип таныта, әммә дәүләт органдары бер ҡасан да кешеләр менән мессенджерҙар аша элемтәгә инмәй һәм шәхси мәғлүмәттәр һорамай.
