Салауат Юлаев образын һаҡлау һәм таратыу

Ҡатнашыусылар - власть органдары, ғилми учреждениелар һәм киң мәғлүмәт саралары вәкилдәре.

Сарала милли геройҙың хәтерен мәңгеләштереүгә йүнәлтелгән ағымдағы һәм киләсәк проекттар тикшереләсәк: Өфөлә һәйкәлде реставрациялау, Салауат Юлаев музейы экспозицияһын ремонтлау һәм яңыртыу, «Салауат ере» тарихи-мемориаль комплексын булдырыу, «Салауат йыйыны» байрамын һәм башҡа сараларҙы үткәреү.

Брифингта БР Мәҙәни мираҫ объекттарын һаҡлау идаралығы, Салауат районы хакимиәте, Янғантау геопаркы вәкилдәренең сығыштары планлаштырылған.