Ҡырмыҫҡалылағы күперҙе быйыл ремонтлап бөтәсәктәр

Һүҙ Ҡырмыҫҡалы-Түбәнге Төкөн юлы эргәһендәге шишмә аша 23 погон метр оҙонлоҡтағы юл үткәргес тураһында бара. Бында белгестәр тигеҙләү ҡатламын түшәгән, ә тиҙҙән япма һалыу, таянғыс һәм ҡойма ҡуйыу, шулай уҡ һыу йыйыу урындары һәм фильтрҙар монтажлау башланасаҡ.

- Был күпер ҙур булмаһа ла, мөһим роль уйнай. Александровка халҡына төбәк әһәмиәтендәге юлдарға сығыу мөмкинлеген тәьмин итә. Ҡоролманы реконструкциялау ваҡытында ваҡытлыса урау юл булдырыла, ул төп юл буйлап үтә", - тип аңлатма бирҙе БР Транспорт министрлығы башлығы Любовь Минакова.

Эштәр «Тормош өсөн инфраструктура» милли проекты буйынса алып барыла.