+21 °С
Болотло
Яңылыҡтар таҫмаһы
16 Май 2025, 04:00
«Башҡортостан геройҙары»ның киләһе этабына 150-гә яҡын кеше үтте
«Башҡортостан геройҙары» программаһының киләһе этабына 150-гә яҡын кеше үтте. Улар онлайн-әңгәмәләшеүҙә ҡатнашты. Артабанғы этап Өфөлә Евразия ғилми-белем биреү үҙәгенең вуз-ара кампусы майҙансығында 21 майҙа ойошторола. Баһалау саралары йомғаҡтары буйынса 70 финалсы билдәләнә. Улар ҡабаттан квалификация үтеү мөмкинлегенә эйә була, һәр ҡатнашыусыға остаз беркетелә.
«Башҡортостан геройҙары»ның киләһе этабына 150-гә яҡын кеше үтте
«Башҡортостан геройҙары» программаһының ойоштороу комитетында белдереүҙәренсә, һайлап алыу турын үткәндәрҙең 95% – республикабыҙҙан. Ҡатнашыусыларҙың уртаса йәше – 41, улар араһында өс ҡатын-ҡыҙ бар.
Хәтерегеҙгә төшөрәбеҙ, Башҡортостан Башлығы Радий Хәбиров иғлан иткән «Башҡортостан геройҙары» республика программаһы 2025 йылдың 24 февралендә башланды. Ул Рәсәй Президенты Владимир Путин ҡушыуы буйынса тормошҡа ашырылған «Геройҙар ваҡыты» федераль проектының дауамы булып тора. Маҡсат – МХО-ла ҡатнашыусылар араһынан идарасыларҙың яңы быуынын әҙерләү.
