+21 °С
Болотло
Яңылыҡтар таҫмаһы
27 Февраль 2025, 11:30
«Хыялды тормошҡа ашырыу өсөн беҙгә еңергә кәрәк!»
Мәләүез районынан «Йәнлек» ҡушаматлы яугир ҡыҫҡа ваҡытлы ялында урындағы мәктәптә, ауыл мәҙәниәтендә осрашыуҙа булып, ауылдаштары менән аралашҡан.
«Хыялды тормошҡа ашырыу өсөн беҙгә еңергә кәрәк!»
– Бер ваҡыт миңә Мәләүездән бер уҡыусының хаты килеп эләккәйне, икенсе тапҡыр Салауат, Стәрлетамаҡ балаларының сәләм хаттары эләкте. Был – беҙҙең өсөн ҙур ярҙам һәм еңеү өсөн бар көсөбөҙҙө һаласаҡбыҙ, – ти ул.
Яугир махсус хәрби операцияға 2022 йылдың көҙөндә эләгә. Уның күкрәген «Хәрби хәрәкәттәр ҡатнашыусыһы» билдәһе һәм Жуков миҙалы биҙәй.
– Ейәндәрем бик тыйнаҡ, ә ниндәй ҡыйыуҙар үҙҙәре. Беҙ ирем менән өс ул тәрбиәләп үҫтерҙек. Хәҙер өс ул үҫкән бәләкәс улымдың ғаиләһе менән йәшәйем. Ата-бабалары кеүек, ысын ил һаҡсылары, – ти өләсәйҙәре Тимергөл.
«Йәнлек» ҡушаматлы яугирҙың ике ҡартатаһы ла Бөйөк Ватан һуғышында булған. Ҡыҙғанысҡа ҡаршы, улар яу яланында башын һалған.
Яугир ниндәй хыялдар менән йәшәй?
– Хыялдарым күп. Уларҙы тормошҡа ашырыу өсөн беҙгә еңергә кәрәк әле, – ти ул.
Аллаһы Тәғәлә үҙегеҙҙе һаҡлап йөрөтһөн, иҫән-һау йөрөгөҙ, яугирҙар!
Фото: Т. АМАНОВ.
