Алдағы өс йылда IT белгестәре, төҙөүселәр һәм аграрийҙар үтә ныҡ ҡәҙерле буласаҡ

Республиканың Ғаилә, хеҙмәт һәм халыҡты социаль яҡлау министрлығы менән булдырылған урта сроклы (2025-2027 йй.) һәм оҙайлы сроклы (2025-2034 йй.) осорҙарға фараз Башҡортостан иҡтисады тармаҡтарын кадрҙар менән тәьмин итеү буйынса координация комитеты ултырышында иғлан ителде.

– 2024 йылда «Идара итеү» ДУП-ының төбәк сегментының кадрҙар ихтыяжын мониторинглау һәм күҙаллауҙың камиллаштырылған платформа – подсистемаһында 617 меңдән ашыу кеше эшләгән республиканың 13 меңдән ашыу ойошмаһы анкета үтте. Был бер йыл элеккегә ҡарағанда 12 процентҡа йәки 1,5 мең ойошмаға күберәк. Эш биреүселәрҙе йәлеп итеү тәү сиратта күҙаллауҙың аныҡлығын билдәләй һәм бөтә республикала, шулай уҡ райондар һәм ҡалалар араһында кадрҙарға ихтыяж буйынса аналитиканы екләберәк тикшерергә мөмкинлек бирә, – тип һөйләне төбәктең ғаилә, хеҙмәт һәм халыҡты социаль яҡлау министры Ленара Иванова.

Алдағы 3 йылда кадрҙарға ихтыяж түбәндәге ҙур төркөмдәргә тура килә: машиналар эшләү 22 мең хеҙмәткәр, информатика һәм иҫәпләү техникаһы 15,7 мең белгес, төҙөлөш техникаһы һәм технологиялары 15,7 мең профессионал, ауыл, урман һәм балыҡ хужалығы 12,5 мең хеҙмәткәр, ғәмәли геология, тау эше, нефть һәм газ эше һәм геодезия 11 мең белгес. Урта һәм оҙайлы осорға кадрҙарға ихтыяжды күҙаллау һөҙөмтәләре республиканың мәғариф ойошмалары ҡабул итеүҙең контроль һандарын билдәләгәндә һәм төҙәткәндә иҫәпкә алына, шулай уҡ тармаҡ үҫеш стратегияларын әҙерләгәндә ҡулланыла.

Министр билдәләүенсә, был механизм милли проекттарҙы, компанияларҙың инвестиция пландарын, республиканың ҡалаларын, райондарын һәм ауыл биләмәләрен үҫтереү перспективаларын иҫәпкә алып, системалы ведомство-ара эш булдырырға мөмкинлек бирә.

Башҡортостандың Ғаилә, хеҙмәт һәм халыҡты социаль яҡлау министрлығы ла «Смартек»ты тотороҡло үҫтереү тәжрибәләре менән алмашыу платформаһында перспективалы кадрҙар ихтыяжын күҙаллау өсөн эш биреүселәрҙән һорау алыу үткәреү практикаһын тәҡдим итәсәк. Билдәләп үтәйек, 2024 йылда Башҡортостан да эш биреүселәр һаны буйынса лидер төбәктәрҙең береһе булды.

https://pravitelstvorb.ru/news/25878/