Кем байыраҡ: Ҡыш бабаймы әллә Дед Мороз?

– Әгәр балағыҙҙы башҡорт телендә ҡотлатырға теләһәгеҙ, кеҫәгеҙҙән тағы ла 1000 һум сығарырға әҙер булығыҙ, – ти аниматорҙар. Бына ғәжәп хәл: башҡорт Ҡыш Бабайы менән Ҡарһылыуы урыҫтарҙың Дед Мороз менән Снегурочкаһына ҡарағанда ҡыйбатыраҡ икән. VIP- кимәлдәге Ҡыш Бабай образы өсөн хаҡтар 100 мең һумға етә, ти. Бүләккә бер тоҡ аҡса ҡалдырмай микән?

Һорауға асыҡлыҡ индереү маҡсатында, М. Кәрим исемендәге Милли йәштәр театры актеры Байегет Мөхәрләмовҡа мөрәжәғәт иттек. Ул өсөнсө йыл Ҡыш Бабай булып эшләй, кескәйҙәрҙе фәҡәт башҡорт телендә ҡотлай. Ҡурай, гармун, ҡумыҙҙа уйнап, балаларҙың күңелен аса. Бер заказға 15-20 минут китә, ти. Коммерция серен асманы.
"Әлегә хаҡтар былтырғы кимәлдә. Арттырырға йыйынмайым", - тине ул.

Ҡыш Бабай байыраҡмы, әллә Дед Мороз? Был турала һуңғараҡ һөйләрбеҙ. Яҙмаларҙы күҙәтеп барығыҙ.