Бөгөн — Бөтә донъя улдар көнө

Байрам бөгөн –  Улдар көнө,

Ҡотлайыҡ әле, әйҙә!

Изге теләктәрҙе әйтеп,

Байрамдар булмай көн дә.

Ғаилә байрамы ла бит ул,

Ул –  малайҙар байрамы,

Атай-әсәйгә улдары

Бик тә, бик тә ҡәҙерле.

Улдарыбыҙ был тормошта

Юлдарын дөрөҫ тапһын.

Һәр бер тыуған яңы иртә

Бары шатлыҡҡа тулһын.

Бәхетле генә булһындар,

Борсоу-хәсрәт килмәһен,

Тормоштары булһын яҡты.

Ел-ямғырҙар теймәһен.

Атай-әсәйҙәре һәр саҡ

Һөйөнөп йәшәһендәр.

Һаҡлаусы, яҡлаусыбыҙ, тип

Ғорурланып әйтһендәр.

Фәймә Зәйнуллина.

Юлай Кәримов фотоһы.