+21 °С
Болотло
Яңылыҡтар таҫмаһы
25 Октябрь 2024, 02:30
Изге Йомабыҙ мөбәрәк булһын!
Раббыбыҙ ике йома араһында баҡыйлыҡҡа күскәндәрҙең белеп һәм белмәй ҡылған гонаһ-хаталарын ғәфү итһә ине. Һәр беребеҙгә хәйерле, бәрәкәтле ғүмер, һаулыҡ-сәләмәтлек, рух ныҡлығы, иман байлығы, ике донъя бәхете, күңел тыныслығы насип итһен. Донъялар тынысланып, махсус хәрби операцияла йөрөгән яугирҙарыбыҙ тыуған яғына иҫән-һау әйләнеп ҡайтырға яҙһын ин шәә Аллаһ🤲🤲🤲. Был изге көндөң сөннәттәре һәм әҙәптәре: ✔️Йома өсөн ғөсөл алыу; ✔️ Тырнаҡтарҙы ҡырҡыу; ✔️Мисүәк менән ауыҙ ҡыуышлығын таҙартыу; ✔️Матур һәм таҙа кейемдәрҙе кейеү; ✔️Мисек һөртөнөү; ✔️ Мәсеткә иртәрәк барыу;
Изге Йомабыҙ мөбәрәк булһын!
✔️ Имам-хатипҡа мөмкин тиклем яҡыныраҡ булған сафтан урын алыу (ләкин һуңға ҡалған кешенең, унан алда килгәндәрҙе этеп-төртөп, алдағы сафтарҙа үҙенә урын табырға тырышыуы ярамаған эш һанала);
✔️Имам-хатиптың йома хөтбәһен (вәғәзен) бер һүҙ ҙә өндәшмәй, шым ғына тыңлап ултырыу;
✔️ Аллаһҡа доғалар менән мөрәжәғәт итеү; ✔️ Пәйғәмбәребеҙ Мөхәммәткә күп итеп салауат-сәләмдәр әйтеү;
✔️ «Әл-Кәһф» («Мәмерйә») сүрәһен уҡыу.
