Ҡайһы бер уҡыусылар ҡала автобустарында бушлай йөрөйәсәк

Уның менән Башҡортостан  биләмәһендәге белем биреү учреждениеларында I – XI  (XII) та белем алған күп балалы ғаиләләр  файҙалана ала.

-Льгота уҡыу осоронда Өфө, Баймаҡ, Бәләбәй, Белорет, Бөрө, Благовещен, Дәүләкән, Дүртөйлө, Ишембай, Күмертау, Мәләүез, Нефтекама, Октябрьский, Салауат, Сибай, Стәрлетамаҡ, Туймазы, Учалы һәм Яңауыл ҡалалары маршруттарында 1 сентябрҙән 31 майға тиклем ғәмәлдә буласаҡ , - ти Башҡортостан Республикаһының Транспорт Һәм юл хужалығы министры вазифаһын башҡарыусы Любовь Минакова.

Уны  юллау өсөн ҡала йәки район хакимиәтенә түбәндәге документтар менән мөрәжәғәт итергә кәрәк:

 1) Рәсәй Федерацияһы ҡануниәтенә ярашлы ғариза биреүсенең шәхесен раҫлаусы документтарҙың күсермәләре;

2) күп балалы ғаиләлә (14 йәшкә тиклемге балалар өсөн) бала тыуыуын теркәү тураһында таныҡлыҡтың күсермәләре;

3) 14 йәштән өлкән баланың шәхесен раҫлаусы документтың (Рәсәй Федерацияһы гражданының паспорты йәки паспортты рәсмиләштереү осорона бирелгән Рәсәй Федерацияһы гражданының ваҡытлыса шәхес танытмаһы)күсермәһе;

4) республика халыҡҡа социаль ярҙам үҙәге филиалы биргән күп балалы ғаилә таныҡлығының күсермәһе;

5) ғариза биреүсенең һәм уның ғаилә ағзаларының шәхси (персонализацияланған) иҫәп системаһында теркәлеүен раҫлаусы мәғлүмәттәр.

• Берҙәм социаль юл йөрөү билеты буйынса льготалы юл йөрөү хоҡуғына эйә булғандар, шулай уҡ махсус хәрби операцияла ҡатнашыусыларҙың балалары был ярҙам сараһынан файҙалана алмай.
•