“Кешегә шатлыҡ өләшәм”

“Кешеләргә шатлыҡ өләшеү – минең тормош асылым икәнен белә инем”, – ти ул. Һәр ваҡыт йылмайып тора, теле бай, ихлас, ти Риф Бикбаев ойошторған байрамдарҙа, сараларҙа ҡатнашыусылар.
Ул 15 йыл самаһы байрам, туй, юбилейҙар, корпоративтар тыуған көндәрҙе алып бара, әйткәндәй, ҡатыны менән бергә эшләйҙәр. Башҡортостандың төрлө төбәгенә сығалар. Айырыуса уларҙы Стәрлетамаҡ, Ишембай, Мәләүез, Күмертау ҡалаларына, шул яҡтарҙағы ауылдарға саҡыралар. “Русса ла, башҡортса ла, татарса ла йырлайым, һөйләйем, байрамдарҙа төрлө милләт кешеләре күп була”, – ти тамада.

Риф Бикбаев республикабыҙҙа туризмды үҫтереүгә лә ҙур өлөш индерә, ул инде дүрт-биш йыл халыҡҡа ҡыҙыҡлы сәйәхәт, файҙалы ял ойоштороу менән дә шөғөлләнә.
Дәртле, әүҙем ағай беҙҙең “Башҡортостандың иң яҡшы тамадаһы” конкурсында ҡатнаша. Уға уңыштар теләйбеҙ!

Фото: vk.com