+24 °С
Дождь
Яңылыҡтар таҫмаһы
21 Июля 2024, 05:54
Балаларға «Батам!» тип ҡысҡырырға ярағанын аңлатығыҙ
Һыу ятҡылығы янында ял хәүефһеҙ булһын өсөн һаҡлыҡ саралары тураһында иҫегеҙгә төшөрәбеҙ. Тик рөхсәт ителгән урындарҙа ғына һыу инегеҙ — ҡырағай пляждарҙа ҡотҡарыусылар юҡ. Буйҙарҙан ары йөҙмәгеҙ — уларҙан ары катерҙар һәм гидроциклдар йөрөй. Моторлы кәмәләргә, бигерәк тә ҙур яхталарға йәки теплоходтарға яҡын бармағыҙ.
Балаларға «Батам!» тип ҡысҡырырға ярағанын аңлатығыҙ
Таныш булмаған урында һыуға суммағыҙ — һыу төбөнә йәки, сит әйберҙәргә бәрелеп, йәрәхәт алыу хәүефе ҙур.
Һауа тултырылған матрастарҙа һәм түңәрәктәрҙә алыҫҡа йөҙмәгеҙ, бигерәк тә йөҙә белмәһәгеҙ, йыраҡ китмәгеҙ. Матрастың тыны сығыуы ихтимал, ә һеҙ ярҙан алыҫта ҡурҡыныс хәлдә ҡаласаҡһығыҙ.
Өшөй башлаһағыҙ, һыуҙан сығығыҙ. Һыуыҡтан мускулдарҙың тартышыуы ихтимал.
Дауыл һәм йәшен ваҡытында һыуға инмәгеҙ — һыуҙың ток үткәреү һәләте юғары, шуға күрә йәшен һуғыуҙан зыян күреү хәүефе бар. Эҫе ваҡытта һыуыҡ һыуға ҡапыл инмәгеҙ. Ҡан тамырҙарының киҫкен ҡыҫылыуы ихтимал, ә был һаулыҡ өсөн ауыр эҙемтәләргә килтерә.
Эскән килеш һыу инмәгеҙ. Эскән кеше хәлде насар контролдә тота, шулай уҡ алкоголь ҡан баҫымын күтәрә – һыуға төшөү менән аңды юғалтырға мөмкин.
❗ Балаларҙы ҡарауһыҙ ҡалдырмағыҙ! Улар менән бөтә хәүефһеҙлек ҡағиҙәләре тураһында һөйләшегеҙ һәм пляжда уларҙы бер нисек тә күҙ уңынан ысҡындырмағыҙ. Балаларға ысынлап хәүеф янағанда ғына «Батам!» тип ҡысҡырырға мөмкин икәнен аңлатығыҙ.
#Аңлатабыҙ_Башҡортостан
