"Диктант та яҙҙыҡ, ағас ултыртыу акцияһында ла ҡатнаштыҡ"

—Бөгөн Ибрай ауылындағы спорт майҙансығында өҫтәп ағастар ултыртылды. Был сараның маҡсаты - ауылды йәшелләндереү, күркәм итеү, экологик хәлде яҡшыртыу. Был сарала тирә-яҡ мөхиткә битараф булмағандар ҡатнашты. Ағас ултыртыу - ерҙә матур эҙ ҡалдырыуға тиң. "Йәшел Башҡортостан" акцияһында ҡатнашыусы ауылдаштарға Ҙур рәхмәт. Ибрай моделе китапханаһында диктант та яҙҙыҡ беҙ. Акцияла ауылыбыҙҙың ағинәйҙәре, "Әхирәттәр" клубы ағзалары һәм мәҙәниәт хеҙмәткәрҙәре әүҙем ҡатнашты. Ә диктантты башҡорт теле һәм әҙәбиәте уҡытыусыһы Гөлдәр Буранбай ҡыҙы Аҡбутина яҙҙырҙы. Был бик мөһим сара, йылдан-йыл диктант яҙыусылар һаны арта. Уны күп Рәсәй төбәктәрендә, хатта сит илдәрҙә яҙалар. Быйыл текстар илһөйәрлек, йәштәр, ғаилә темаһына арналды, — ти ул.