Бәлеше лә бәлеше!..

БӘЛЕШ.

Иләктән үткәр оноңдо, 
Тоҙ, йомортҡа әҙерлә. 
Май ирет, һөтөңдө йылыт, 
Баҫ та 
Йәймә хәҙергә. 
Үпкә, бауыр, эсәк, ҡарын 
Һәйбәт була бәлешкә. 
Һуған, борос, картуф, кишер, 
Шунан һурпа йәтешлә. 
Табаңды йылыт та 
Майла. 
Семәрлә бәлеш өҫтөн. 
Мейесеңде томалап ҡуй, 
Парланып ҡына бешһен. 
Хужабикә йөҙөн нурлай, 
Табынды ҙурлай бәлеш. 
Өйрән ҡыҙым, 
Бындай һөнәр – 
Өлөшкә төшкән көмөш. 

Тамара Ғәниева.

 

Юлай Кәримов фотоһы.