Башҡортостандың халыҡ шағиры — Гүзәл Ситдиҡова

Яҙмаған беҙгә бәхеттәр:
Беҙ — һөйөлөп туймағандар.
Тик әсәләр һаман көтә,
Өмөттәрен юймағандар.
Һиҫкәнәләр, беҙҙер тиеп,
Елдәр ҡаҡһа ишек-ҡапҡа,
Улым тере, тере, тиеп,
Ышанмайса «ҡара» хатҡа.
Хәтерҙәрҙә йәшәгәндә
Ябылмаҫтар ҡайтыр юлдар,
Татлы төштәргә инербеҙ —
Шәһит булып ҡалған улдар.
Талпынып, йәнебеҙ осор,
Әсәйҙәр, һеҙ ҡалған яҡҡа.
…Беҙҙе үлем ала алмай
Хәтер тере тотҡан саҡта.

Гүзәл Рамаҙан ҡыҙы Ситдиҡова 1952 йылдың 10 июнендә Башҡорт АССР-ының Белорет районы Инйәр ауылында уҡытыусы ғаиләһендә тыуған.

• Башҡортостан Республикаһының халыҡ шағиры (2022)
• «Башҡортостан Республикаһының мәғариф отличнигы» (1922)^[20]
• Бөтә донъя башҡорттары конгрессының «Ал да нур сәс халҡыңа» миҙалы (2021)^[21]
• Башҡортостан Республикаһының Почёт грамотаһы (2021)
• Башҡортостан Республикаһының Почёт грамотаһы (2002)^[22]
• «Башҡортостан Республикаһы төҙөлөүгә 100 йыл» юбилей миҙалы (2018)
• Балалар һәм үҫмерҙәр өсөн әҙәбиәт, сәнғәт өлкәһендә Һәҙиә Дәүләтшина исемендәге республика премияһы лауреаты (2017)^[2][23][24]
• «ЛиФФт—2017» Бөтә Рәсәй әҙәбиәт Фестивалдәре Фестиваленең Көмөш миҙалы (2017)^[7]
• Айҙар Байыҡ сәсән исемендәге Республика конкурсы Гран-При лауреаты (2015)^[25].
• Рәсәй Лермонтов комитетының «М. Ю. Лермонтовтың 200 йыллыҡ тыуған көнө хөрмәтенә» юбилей миҙалы (2014)
• Башҡортостан Республикаһы Дәүләт Йыйылышы — Ҡоролтайының Почёт грамотаһы (2012)
• Башҡортостан Республикаһы Дәүләт Йыйылышы — Ҡоролтайының «Башҡортостан Республикаһы ҡануниәтен үҫтереүҙә айырым өлөш өсөн» Почёт тамғаһы (2009)
• Башҡортостан Республикаһының атҡаҙанған мәҙәниәт хеҙмәткәре (2007)
• Рәсәй ҡатын-ҡыҙҙары союзы Почёт грамотаһы (2007)
• Рәсәй Федерацияһы Дәүләт Думаһы Федераль Йыйылышының Рәхмәте (2005)
• Башҡортостан Республикаһы Матбуғат һәм киң информация саралары министрлығының Почёт грамотаһы (1992)

   Юлай Кәримов фотоһы.