Әбйәлил яугиры ҡатыны менән викторинала ҡатнашып фатир отҡан!

Магнитогорск ҡалаһынан мобилизацияланған егет ялға ҡайтҡанында ҡатыны Гөлсиә менән "Магнитогорск - стальное сердце России" тигән викторинала ҡатнашҡан. Хәрби часҡа юлда саҡта егеткә фатир отоуы хаҡында хәбәр иткәндәр.

Бөгөн сертификат яугирҙың ҡатыны Гөлсиәгә тапшырылған. Ғаилә ике йыл элек Әбйәлил районының Байым ауылынан Магнитогорск ҡалаһына күскән. Ипотекаға фатир һатып алып, ошонда төпләнгәндәр. Йәштәргә яҙмыш үҙе бына шундай матур бүләк яһаған.