Бөгөнгә һайлауҙар тамам...

Башҡортостандың Йәмәғәт палатаһының рәйес вазифаһын башҡарыусы Лида Исаргакова әйтеүенсә, һайлаусылар һорауҙар буйынса Үҙәк һайлау комиссияһының колл-үҙәгенә мөрәжәғәт итә ала. Бөгөн уларға 22 мөрәжәғәт булған. Күпселек һорауҙар һайлау участоктарының адрестарына ҡағылышлы булған. Оло йәштәгеләрҙе иһә комиссия ағзаларының өйгә килеү-килмәүе борсой. Иҫегеҙгә төшөрәбеҙ: һаулыҡ мөмкинлектәре сикле һәм оло йәштәгеләргә өйҙә һайлау мөмкинлеге бар.

Иҫегеҙгә төшөрәбеҙ: һайлауҙа ҡатнашыусылар "Рәхмәт" сайтында бүләктәр ота ала. "Бөгөнгө көндә QR-код-билеттарын 2 миллиондан ашыу кеше теркәгән. Кемдәр өлгөрмәгән теүәл бер тәүлек ваҡыт бар," - ти акцияны ойоштороусылар. 

Юлай Кәримов фотоһы.