+24 °С
Ямғыр
Яңылыҡтар таҫмаһы
1 Ғинуар 2024, 05:00
Бөгөн Гөлназ Ҡотоеваға – 50 йәш
Бөгөн шағирә, журналист, «Башҡортостан ҡыҙы» журналының баш мөхәррире, Шәйехзада Бабич исемендәге дәүләт республика йәштәр премияһы лауреаты Гөлназ Ҡотоева 50 йәшен билдәләй. Уны күркәм юбилейы менән ҡотлап,илһам ҡанаттары талмауын, яңы ижади емештәре менән ҡыуандырып тороуын теләйбеҙ.
Бөгөн Гөлназ Ҡотоеваға – 50 йәш
Гөлназ Мират ҡыҙы Ҡотоева (ҡыҙ фамилияһы Исхаҡова) 1974 йылдың 1 ғинуарында Әбйәлил районының Ишҡол ауылында тыуған. Башҡорт дәүләт университетын тамамлай. Башҡортостан «Китап» нәшриәтендә консультант, Сибай ҡалаһы яҙыусылар ойошмаһы рәйесе, «Ағиҙел» журналы мөхәрирриәтендә яуаплы сәркәтип булып эшләй. Хәҙерге көндә «Башҡортостан ҡыҙы» журналының баш мөхәррире. Бер нисә китап авторы. Башҡортостан Республикаһы Яҙыусылар союзы ағзаһы.
Мәғлүмәт Башҡорт википедияһынан әҙерләнде.
Фото: Т. АМАНОВ.
