Башҡортостанда ислам ипотекаһы булдырылды

Аҡса бер процентһыҙ үтескә 20 йылға тиклем бирелә. Шәриғәт ҡанундары буйынса фатирҙы төҙөлгән йә әле төҙөлөп ятҡан алырға мөмкин. Бындай ипотеканы Рәсәйҙең 2 төбәгендә генә алырға мөмкин: Башҡортостанда фатирҙы — беренсел һәм икенсел баҙарҙан, ә Дағстан республикаһында тик беренсел баҙарҙан алырға мөмкин. Тиҙҙән программаны башҡа төбәктәрҙә лә ебәреү ҡарала.

Хәләл ипотеканың ғәҙәттәге ипотеканан айырмаһы шунда: әлеге осраҡта фатирҙарға хаҡ өҫтәлеп һатыла. Иң мөһиме, килешеүе хәләл, тип иҫәпләй ислам ипотекаһын файҙаланырға йыйынған йәштәр.