«Көҙбайлыҡ» конкурсына

Дуҫтар, «Көҙбайлыҡ» тип аталған яңы фотоконкурс тәҡдим итәбеҙ!

Көн дә тиерлек каналыбыҙға үрҙәге кеүек бер баҡса ҡарбуз йә ҙур ҡауын йәиһә ҡыҙыҡлы формала өлгөргән башҡа йәшелсәләрҙең фотоһүрәттәре килә. Артабан да әүҙемлекте арттырыу өсөн ошондай фотоһүрәттәрҙе конкурсҡа ҡуйырға һәм иң шәбен билдәләргә ҡарар иттек.

Әлбиттә, иң шәптәре бүләкһеҙ ҡалмаясаҡ. Еңеүсе фото хужалары хаҡында «Йәшлек» гәзите биттәрендә мәҡәлә донъя күрәсәк. Дуҫтарыбыҙға гәзитебеҙҙән иҫтәлекле бүләктәр тапшырыласаҡ.

Конкурсҡа фотоһүрәттәр 25 сентябргә тиклем ҡабул ителә.
https://t.me/yuka_telephon/3186