Еңеүгә генә ынтылығыҙ!

Республиканан Октябрьский нефть колледжы студенттары  – Кристина Усманова, Эвелина Әхмәҙиева, Радель Саҙриев һәм Стәрлетамаҡ төҙөлөш һәм профессиональ технологиялар колледжы – Илнар Әхмәров, Юлиана Алексеева һәм Снежана Андреева сығыш яһаясаҡ. Улар Юғары технологиялар чемпионатының төбәк этабында иң яҡшылары булды.

Үҙҙәренең остаздары етәкселегендә улар стажировка үткән, биналарҙың 3D-моделдәрен төҙөү күнекмәләрен үҙләштергән. Чемпионат финалында Башҡортостандан ҡатнашыусылар "Геопространственная цифровая инженерия" һәм "Ҡалаларҙы һәм территорияларҙы үҫтереү технологияһы" компетенцияларында көс һынашасаҡ.

Колледж студенттары өсөн бындай ҙур сарала ҡатнашыу – һөнәри тормошта мөһим аҙым, тәжрибә туплау. Уларға уңыштар теләйбеҙ!

Фото: Т. АМАНОВ.