Ултырышта Радий Хәбиров ниндәй тәҡдим индерҙе?

Ултырыш башында төбәк етәксеһе ер аҫты байлыҡтарын файҙаланыуға лицензиялар биреү буйынса вәкәләттәрҙе федераль кимәлдән төбәк кимәленә тапшырыуға ҡағылышлы закондар сығарыу базаһына үҙгәрештәр индереү кәрәклеге хаҡындағы башланғыс менән сығыш яһаны.

– Урал аръяғының ҡайһы бер райондарында һибелмә алтын табыуға бәйле хәл оҙаҡ ваҡыт борсой. Йыш ҡына республика халҡы, муниципалитет башлыҡтары биләмәләрҙә техника барлыҡҡа килгәс, лицензия биреүҙәре хаҡында белә, - тип билдәләне Радий Хәбиров. - Намыҫһыҙ файҙаланыусылар тәбиғәт байлыҡтарына ҡарата вәхшиҙәрсә мөнәсәбәте халыҡта ризаһыҙлыҡ тыуҙыра.

Республика Башлығы билдәләүенсә, Башҡортостан Роснедраға ҡануниәтте үҙгәртергә тәҡдимдәр ебәргән дә инде. Тик әлегә был мәсьәләләр әлегә хәл ителмәгән.