+22 °С
Ямғыр
Яңылыҡтар таҫмаһы
17 Май 2023, 13:21
Өфөлә асыҡ Евразия һуғыш сәнғәте уйындары үтте
Баш ҡалабыҙҙа 11-енән 15 майға тиклем асыҡ Евразия һуғыш сәнғәте уйындары үтте. Ул Бөйөк Ватан һуғышында Еңеүҙең 78 йыллығына арналды. «Рәсәй Һуғыш сәнғәте союзы»ның был проекты Президент гранттары фонды конкурсында өсөнсө тапҡыр еңеү яуланы.
Өфөлә асыҡ Евразия һуғыш сәнғәте уйындары үтте
Сара Рәсәй Спорт министрлығының Берҙәм календарь планына индерелгән һәм күмәк спортты популярлаштырыу, илһөйәрлек тойғоһон тәрбиәләү һәм Рәсәй, Евразия киңлеге илдәре халыҡтарының милләт-ара дуҫлығын нығытыу маҡсатында уҙғарыла.
Ҙур спорт объекттарының береһендә, Рима Баталова исемендәге Спорт әҙерлеге үҙәгендә, бер үк ваҡытта 20 майҙансыҡта ярыштар, фестиваль программалары, күрһәтмә сығыштар, оҫталыҡ дәрестәре һәм 30 һуғыш сәнғәте төрө, спорт бергә-бер көрәше һәм милли спорт төрҙәре буйынса семинарҙар үтте.
Иң ҙур спорт объекттарының береһендәге уйындарҙа Рәсәйҙең 50-нән ашыу төбәгенән 4000-дән ашыу спортсы, вәкилдәр һәм тренерҙар һәм 23 илдән вәкилдәр ҡатнашты. Форумда ҡатнашыусы илдәр араһында күрше Ҡырғыҙстан, Белоруссия, Ҡаҙағстан, Тажикстан, Грузия ғына түгел, Конго, Һиндостан, Колумбия, Ангола, Мысыр, Иран һәм башҡалар ҙа бар. Проектта ҡатнашыусы федерациялар һәм партнерҙар Кубоктар һәм рәхмәт хаттары менән билдәләнде.
Фото: Т. АМАНОВ.
