+22 °С
Ямғыр
Яңылыҡтар таҫмаһы
15 Май 2023, 12:13
Дарыуханалар селтәре һаҡсыл технология индерә башлаясаҡ
Башҡортостан Республикаһының «Башфармация» дәүләт унитар предприятиеһы «Хеҙмәт етештереүсәнлеге» милли проектында яңы ҡатнашыусы булды. Республика Хөкүмәте һәм Башҡортостандың Хеҙмәт етештереүсәнлеге өлкәһендә компетенциялар төбәк үҙәге менән тейешле килешеүҙәргә ҡул ҡуйылды. Был турала БР иҡтисади үҫеш министрының беренсе урынбаҫары Айрат Фәхретдинов хәбәр итә.
Дарыуханалар селтәре һаҡсыл технология индерә башлаясаҡ
– «Хеҙмәт етештереүсәнлеге» милли проекты предприятиеларҙа эш һөҙөмтәлелеген һәм компанияларҙың конкуренцияға һәләтлелеген күтәреүгә йүнәлтелгән. Импортты алмаштырыу шарттарында етештереү һәм сауҙа күләмдәрен арттырыу айырыуса мөһим. Күптәр үҙ күрһәткестәрен ярайһы күтәрә алды ла инде. Компанияла һаҡсыл технологияларҙы республика кардиология үҙәге эксперттары индерә, – тип билдәләне Айрат Фәхретдинов.
Фото: Т. АМАНОВ.
