+22 °С
Ямғыр
Яңылыҡтар таҫмаһы
15 Апрель 2023, 08:43
Рәсәй төбәктәрендә «Белем» төбәк-ара мәғариф фестивале үтте
Республикабыҙҙың Мәғариф һәм фән министрлығы Башҡортостандан ситтә башҡорт телен өйрәнеүгә ярҙам итеү һәм республиканың инновацион дөйөм белем биреү ойошмаларына Рәсәй Федерацияһы төбәктәренән һәләтле балаларҙы йәлеп итеү маҡсатында Татарстан Республикаһының Яр Саллы, шулай уҡ Магнитогорск ҡалаларында, Силәбе өлкәһенең Ҡоншаҡ, Ҡурған өлкәһе Сафакүл районының Сафакүл ауылдарында әлеге төбәк-ара мәғариф фестивален ойошторҙо.
Рәсәй төбәктәрендә «Белем» төбәк-ара мәғариф фестивале үтте
Фестивалдә Башҡортостандан республика инженер лицей-интернаты, Рәми Ғарипов исемендәге 1-се Башҡорт республика гимназия-интернаты, Сибай гимназия-интернаты, Ғәзиз Әлмөхәмәтов исемендәге республика гимназия-интернатынан вәкилдәр ҡатнашты. Сара 300-ҙән ашыу баланы йыйҙы. Бында ҡатнашыусылар өсөн робототехника, нейрофизиология, милли музыка ҡоралдарында уйнау, милли биҙәүестәр әҙерләү, уҡтан атыу һәм хореография буйынса оҫталыҡ дәрестәре уҙғарылды. Унан һуң фестивалдә ҡатнашыусылар квест-марафон үтте, уның һөҙөмтәһендә бүләктәр отоу ойошторолдо.
Фестивалгә ярашлы Башҡортостан Республикаһы биләмәһендә урынлашҡан дөйөм белем биреү ойошмаларының һәм юғары белем биреү ойошмаларының презентацияһы уҙҙы. Сарала ҡатнашыусылар балаларҙы ҡабул итеү, йәшәү һәм уҡыу шарттары менән танышты.
Фото: Т. АМАНОВ.
