Башҡортостандың халыҡ шағиры — Гөлфиә Юнысова

Талҡаҫта таң

(Этюд)

Көн килерен хәбәр итә
Көнсығышы алланып.
Аҡ тулҡындар сутылдаша
Таң нурында наҙланып.

Тау итәге ҡыуаҡлыҡтан
Ҡоштар моңо ағыла.
Ялтлап торған һыу өҫтөндә
Туп-тулы ай сағыла.

Ҡармаҡ тотҡан ҡыҙ һәм егет
Бер кәмәлә сайҡала.
— Бына беҙ, ҡармаҡлағыҙ! — тип,
Балыҡтар ҡарпып ҡала.

Ғашиҡтар күптән онотҡан
Күлдәге был балыҡтарҙың
Донъяла барлыҡтарын.
Улар эләктергән инде
Үҙ алтын балыҡтарын.

Гөлфиә ЮНЫСОВА.

Юлай Кәримов фотоһы.