+24 °С
Дождь
Яңылыҡтар таҫмаһы
4 Апреля 2023, 13:25
«Быйылғы бурыс – юғарыраҡ урындарҙы биләү»
Һуңғы биш йылда Башҡортостан Республикаһы үҙе етештергән аҙыҡ-түлек һәм эсемлек сығарыу күләме буйынса Волга буйы федераль округының тәүге биш төбәге иҫәбенә сыҡты. Быйылғы бурыс – юғарыраҡ урындарҙы биләү, тип билдәләне республика Хөкүмәте ултырышында Башҡортостан Премьер-министры Андрей Назаров.
«Быйылғы бурыс – юғарыраҡ урындарҙы биләү»
- Дөйөм алғанда, был йүнәлешкә дәүләт ярҙамы уның тотороҡло үҫешенә булышлыҡ итте. Уҙған йыл йомғаҡтары буйынса аҙыҡ-түлек етештереү индексы 103 процентҡа еткән. Һөт һәм һөт ризыҡтары, шәкәр, үҫемлек майы һәм башҡа төр продукция буйынса үҙеңде тәьмин итеү күрһәткестәре үҫә, - тип һыҙыҡ өҫтөнә алды Андрей Назаров.
Аҙыҡ-түлек һәм эшкәртеү сәнәғәте предприятиеларына дәүләт ярҙамы, шулай уҡ дәүләт ярҙамы күрһәтеү механизмына индерелеүсе үҙгәрештәр тураһында ентекләберәк Башҡортостан Хөкүмәте Премьер-министры урынбаҫары – ауыл хужалығы министры Илшат Фәзрахманов һөйләне.
Фото: Т. АМАНОВ.
