+22 °С
Ямғыр
Яңылыҡтар таҫмаһы
25 Март 2023, 10:15
Мәктәп тәҙрәләрендә рәшәткәләр ҡалдырыласаҡ
Рәсәйҙең Ғәҙәттән тыш хәлдәр министрлығы мәктәп тәҙрәләрендә рәшәткәләрҙе ҡалдырырға рөхсәт итте. Хәҙер был янғын хәүефһеҙлеген боҙоу тип иҫәпләнмәй. Ошо турала Рәсәй Ғәҙәттән тыш хәлдәр министрлығының күҙәтеү эшмәкәрлеге һәм иҫкәртеү эше департаменты директоры Ринат Еникеев хәбәр итте.
Мәктәп тәҙрәләрендә рәшәткәләр ҡалдырыласаҡ
«1 марттан янғынға ҡаршы режим ҡағиҙәләренә үҙгәрештәр көсөнә инде, бөгөн рәшәткәләрҙың булыуы законға ҡаршы килмәй», — тип Еникеевтың һүҙҙәрен килтерә ТАСС.
Янғын осрағында балалар һәм уҡытыусылар мәктәптән эвакуация юлынан сығырға тейеш, ә тәҙрәләр уға ҡарамай, тине ул.
Ғәҙәттән тыш хәлдәр министрлығы мәғлүмәттәре буйынса, Рәсәйҙә 120 мең белем биреү объекты эшләй. 2022 йылда уларҙа — 325 янғын, мәктәптәрҙә 150 ут сығыу осрағы теркәлгән. Һәләк булған балалар юҡ. Янғын хәүефһеҙлеген боҙған өсөн суд ҡарары буйынса 20 мәктәптең эше туҡтатылған.
Фото: Т. АМАНОВ.
