+14 °С
Ясно
Яңылыҡтар таҫмаһы
14 Марта 2023, 08:00
Уҡыусылар финанс белемен тикшереп ҡарай ала
«Учи.ру» онлайн-платформаһы Рәсәй Финанс, Рәсәй Иҡтисади үҫеш министрлыҡтары, «Милли өҫтөнлөктәр» автономлы коммерцияға ҡарамаған ойошма менән берлектә финанс грамоталылығы һәм эшҡыуарлыҡ буйынса Бөтә Рәсәй онлайн-олимпиадаһын ойоштора. Унда I – IX класс уҡыусылары ҡатнашырға саҡырыла.
Уҡыусылар финанс белемен тикшереп ҡарай ала
Олимпиаданың маҡсаты – уҡыусыларҙы финанс белеме нигеҙҙәре менән таныштырыу, эшҡыуарлыҡ буйынса ҡыҙыҡһыныуҙы үҫтереү.
Олимпиадала ҡатнашҡан уҡыусылар дипломдар, грамоталар йәки сертификаттар менән бүләкләнәсәк, уҡытыусыларға һәм белем биреү ойошмаларына рәхмәт хаттары тапшырыласаҡ. Наградаларҙы ярыш тамамланғандың икенсе көнөнә шәхси кабинеттарҙа алырға мөмкин.
Олимпиадала нисек ҡатнашырға?
- Әгәр уҡытыусының һәм уның уҡыусыларының «Учи.ру» платформаһына инеү пароле һәм логины бар икән,уларҙы яҙып инеп, эштәрҙе үтәй алалар.
- Әгәр ҙә пароль, логиндары юҡ икән, платформала теркәлеү үтергә, һуңынан класс һәм уҡыусыларҙы өҫтәргә, һәр балаға «Учи.ру» платформаһына инеү өсөн шәхси логиндар һәм паролдәр таратырға кәрәк. Бынан һуң уҡыусылар эштәрҙе үтәй ала.
Фото: Т. АМАНОВ.
