Башҡортостандың социаль проекттары 163 миллион һум аҡса аласаҡ

Социаль йүнәлештә эшләгән коммерцияға ҡарамаған ойошмалар Башҡортостан Башлығы гранттары конкурсында ҡатнашып, үҙҙәренең проектына 3 миллион һумға тиклем аҡса йәлеп итергә мөмкин. Бәйге Башҡортостандың Граждандар йәмғиәтенә булышлыҡ итеү фонды менән берлектә ойошторола.

Фондтың социаль селтәрҙәге төркөмөндә https://vk.com/grantrb ғариза тултырыу буйынса видеояҙмалар, мәҡәләләр табырға мөмкин.

Шуны билдәләргә кәрәк, конкурста ҡулланыусылар кооперативтары (торлаҡ, торлаҡ-төҙөлөш һәм гараж кооперативтары); баҡсасылыҡ кооперативтары; сәйәси партиялар; үҙ-үҙен көйләүсе төҙөлөш ойошмалар; эш биреүселәрҙең берекмәләре; сауҙа-сәнәғәт палаталары; кооператив берләшмәләре; торлаҡ милекселәре ширҡәте; адвокаттар палаталары һәм берекмәләре; нотариаль палаталар; микрофинас ойошмалары.

Уҙған йылда 100 проект еңеүгә лайыҡ булған, һәр ҡайһыһы үҙенсәлекле һәм актуаль социаль проблемаларҙы хәл итә. Мәҫәлән, "Социум+" автономиялы коммерцияға ҡарамаған ойошмаһы булдырған "Активный возраст" оло йәштәгеләр өсөн коворкинг-үҙәктә 60 йәштән өлкән граждандар эшҡыуарлыҡ, спорт-туристик һәм башҡа эшмәкәкәрлек төрҙәре менән шөғөлләнергә мөмкин. Ә Бөтә Рәсәй һаңғырауҙар йәмғиәте Башҡортостандағы идаралығы былтыр көҙ Өфөлә ишетеү һәләте боҙолғандар араһында “DeafSkills-2022” II һөнәри оҫталыҡ милли чемпионаты ойошторҙо. Республика балалар клиник дауаханаһында тормошҡа ашырылған "Маршрут успеха" проекты стационар дауаланыуҙа булған 3 – 18 йәшлек балалар өсөн интеллектуаль ял ойоштороуҙо маҡсат итеп ҡуя. 

Башҡортостан Башлығы гранттары конкурсына ғаризаларҙы 30 мартҡа киске сәғәт бишкә тиклем киләһе һылтанма буйынса ебәрергә мөмкин: https://грантыглавы102.рф .