+12 °С
Облачно
Яңылыҡтар таҫмаһы
10 Марта 2023, 07:36
Радий Хәбиров Туймазыла "Мастер" сәнәғәт паркында төҙөлөш эштәре менән танышты
9 мартта Башҡортостан Башлығы Радий Хәбиров менән «КАМАЗ» акционерҙар йәмғиәтенең генераль директоры Сергей Когогин “Мастер” сәнәғәт паркының төҙөлөш майҙанын ҡараны.
Радий Хәбиров Туймазыла "Мастер" сәнәғәт паркында төҙөлөш эштәре менән танышты
Уның төп резиденты «Туймазы автобетоновоздар заводы» – илебеҙҙә берҙән-бер автобетонбутау техникаһы етештереүсе предприятие.
Парктың генераль директоры Фәрит Закиров әйтеүенсә, проект бер нисә этапта тормошҡа ашырыла. Тәүгеләрҙән булып 7 мең квадрат майҙанлы производство корпусы сафҡа индерелә. Артабан – 13 мең квадрат майҙанлы тағы бер бина.
Башҡортостан Башлығы “Мастер” сәнәғәт паркы үҫеше перпективаһын юғары баһаланы.
– Проекттың тәүге аҙымдары һоҡландыра. Ул республикала беҙҙең сәнәғәт компетенцияларын киңәйтеү буйынса яңы үҙәк булыр, тип уйлайым. Ә был иһә яңы эш урындары, һалымдар. Туймазы был йәһәттән бик яҡшы үҫешә, – тине Радий Хәбиров.
