Кескәй ҡыҙҙар балға йыйылды

Сара башланыр алдынан төбәк етәксеһе байрам балын ойоштороуҙа ярҙам күрһәткән меценаттар менән осрашты. Радий Хәбиров уларға байрамды әҙерләүҙә ярҙам күрһәткәндәре һәм мәрхәмәтлек сараларында даими ҡатнашҡандары өсөн рәхмәт белдерҙе.

Башҡорт дәүләт опера һәм балет театры фойеһында «Кескәй принцессалар балы»нда ҡатнашыусылар өсөн фотозона, артистарҙың һәм аниматорҙарҙың сығышы ойошторолдо. Артабан ҡыҙҙарҙы бай программа - оҫталыҡ дәрестәре, ижади күргәҙмәләр, визаж студияһы, театр тамашалары һәм байрам балы көтә ине.

Башҡортостан Башлығы Радий Хәбиров сарала ҡатнашыусы йәш ҡатнашыусыларҙы сәләмләне.

– Һеҙҙе матур яҙғы байрам менән ҡотлайым. Һеҙ беҙҙең өсөн - ысын мәғәнәһендә бәләкәй принцессалар. Һеҙҙең хаҡта хәстәрлек күргән аҡыллы, көслө, сабыр әсәләрегеҙҙе лә ҡотлайым. Республикабыҙҙа бындай байрамдар даими үткәрелһен өсөн тырышасаҡбыҙ, – тине Радий Хәбиров.

Республика Башлығының хәләл ефете Каринэ Хәбирова ҡотлауға ҡушылды.

– Был үҙенсәлекле, тылсымлы байрам. Бында барыһы ла ғәҙәтигә әйләнде. Һеҙ бөгөн иң ҡыйыу теләктәр теләй алаһығыҙ. Йылмайығыҙ һәм бәхетле булығыҙ, – тип теләне Каринэ Хәбирова.

Фото: Т. АМАНОВ.