+12 °С
Облачно
Яңылыҡтар таҫмаһы
9 Марта 2023, 11:50
Инвесторҙарға сираттағы буш инвестиция майҙансығы тәҡдим ителде
Башҡортостандың Үҫеш корпорацияһы потенциаль инвесторҙарға сираттағы буш инвестиция майҙансығын тәҡдим итте. Ишембай ҡалаһының йәмәғәт-эш зонаһында урынлашҡан ер участкаһының дөйөм майҙаны өс гектарҙан ашыу тәшкил итә. Бында инвесторҙарға сауҙа-күңел асыу комплексын урынлаштырырға тәҡдим ителә.
Инвесторҙарға сираттағы буш инвестиция майҙансығы тәҡдим ителде
– Был майҙансыҡ инвесторҙарҙы республиканың өс ҙур ҡалаһы менән ҡыҙыҡһындырыуы ихтимал. Бындай агломерация һатып алыусылар ағымын формалаштырыуға булышлыҡ итәсәк. Бынан тыш, участканы электр, газ, һыу тәьминәте һәм һыу бүлеү селтәрҙәренә тоташтырыу мөмкинлеге бар, шулай уҡ ул инә торған юлдар менән тәьмин ителгән, - тип аңлатты Башҡортостан Үҫеш корпорацияһының генераль директоры Наил Ғәббәсов.
Инвестиция майҙансығы менән потенциаль инвесторҙар онлайн форматта таныша ала. Мәҫәлән, Үҫеш корпорацияһы сайтында ер участкаһының техник һәм инфраструктура характеристикаларын өйрәнергә мөмкинлек биргән виртуаль тур эшләй.
Фото: Т. АМАНОВ.
